-
ဒီနေ့ Messenger ကနေရော၊ ဖုန်းဆက်ပြီးတော့ရော၊ Screenshot တွေနဲ့ #IDတင်မထားတဲ့ #FacebookPage တွေ၊ #FacebookAccount တွေကို ပိတ်သွားတော့မယ်ဆိုတာဟုတ်လား? #ID တင်ရမှာလား၊ ဘယ်လိုတင်ရမှာလည်းဆိုတာတွေလာလာမေးကြတယ်။
#ဖြစ်နိုင်ပါ့မလား?
ဖြစ်နိုင်လား၊ မဖြစ်နိုင်လား၊ ဆိုတာက အလွယ်လေးတွေးကြည့်ရင်တောင်သိနိုင်တဲ့ကိစ္စပါ၊ အဲ့ဒါကို ဘာလို့များ လူတွေက အယုံလွယ်ကြလည်းဆိုတာ စဉ်းစားလို့မရတာအမှန်ပါပဲ။
#ဘယ်သူတွေကမဟုတ်မမှန်လုပ်ကြံဇာတ်ကိုဖြန့်တာလဲ?
ဖြစ်နိုင်တာကတော့ ဒီလိုကာလမှာ အလုပ်မရှိအကိုင်မရှိလို့ ဒီလိုအကြောင်းပြချက်လုပ်ကြံဇာတ်ကိုဖန်တီးပြီး #ID လာတင်ခိုင်းသူတွေ( #ငပိန်းတွေ )ဆီကနေ ပိုက်ဆံအချိုအချောင်ရချင်လို့ ဒီလိုလုပ်ကြံဇာတ်ကိုဖန်တီးထားတာဖြစ်ဖို့များပါတယ်။
နောက်ထပ် Sharing လုပ်သူမျိုးတွေကတော့ ငါလည်းပိန်းတယ်၊ မင်းတို့ငပိန်းတွေလည်းဆက်ပိန်းကြဆိုပြီး ဘုမသိဘမသိနဲ့ ထပ်ဆင့် Post တွေတင်ပြီး ဖွနေကြတာဖြစ်ဖို့များပါတယ်။
#ဂျင်းသတင်းဟုတ်မဟုတ်ဘယ်လိုအတည်ပြုရမလဲ?
#ဂျင်း ဟုတ်မဟုတ် ဝင်ဖတ်ချင်ရင် #Facebook က Official News ထုတ်ပြန်ချက်တွေတင်တဲ့
https://about.fb.com/news/
နဲ့
https://www.facebook.com/facebookapp/
တွေမှာဝင်ကြည့်လို့ရတယ်။
နောက်ဆုံး Facebook owner ဇကာပေါက်ရဲ့ အကောင့်ဖြစ်တဲ့
https://www.facebook.com/zuck
မှာလည်း ဝင်ကြည့်လို့ရပါတယ်။
အဲ့ဒီလိုနေရာတွေမှာတောင်မတင်တာတွေကို ပေါက်တတ်ကရရေးတင်သူတွေ၊ အဲ့ဒါကိုအသုံးချပြီး လုပ်စားဖို့ကြံနေသူတွေရဲ့ ရေးတင်ထားမှုတွေဖတ်ပြီး အလွယ်တကူ #ငပိန်းတွေ မဖြစ်ကြပါစေနဲ့။
နောက်ဆုံး Google ခေါက်ပြီး ဒီသတင်းက #FakeNews, #FakeInformation ဟုတ်မဟုတ်ဆိုတာကို အတည်ပြုလို့ရပါတယ်။
#မအူကြပါနဲ့၊ #မအကြပါနဲ့၊ Facebook က စီးပွားရေးအရမ်းဆန်ပါတယ်၊ Facebook ရဲ့ Policy တွေ၊ Community Standards တွေကို မချိုးဖောက်သ၍ ဘယ် Facebook page, Facebook account, ကိုမှ ပိတ်သွားမှာမဟုတ်ပါဘူး။
တော်သေးပြီ၊ တော်ရုံပဲပိန်းနိုင်ကြပါစေ။
ချစ်ခြင်းအားဖြင့်...
Aung Kyaw Soe ( 30.9.2020 - 10:45 PM )
-
-
လူမှုကွန်ရက် Facebook မှာကြော်ငြာနေတာတွေကို ရပ်ဆိုင်းဖို့ ကုမ္ပဏီအများအပြားက ဆုံးဖြတ်ခဲ့ပြီး သပိတ်မှောက်နေကြတာကြောင့် ရင်းနှီးမြှုပ်နှံသူတွေအဖို့ စိုးရိမ်မှုတွေရှိလာကြပါတယ်။
Facebook ကိုသပိတ်မှောက်နေတဲ့ ကုမ္ပဏီတွေထဲမှာ STARBUCKS ၊ COCA-COLA ၊ HERSHEY'S ၊ HONDA နဲ့ UNILEVER တို့လိုမျိုးကုမ္ပဏီကြီးတွေလည်းပါဝင်နေပါတယ်။
အခုလို ကုမ္ပဏီတွေအများအပြားက သပိတ်မှောက်နေတာကြောင့် Facebook ကုမ္ပဏီရဲ့ ရှယ်ယာတွေဟာလည်း ထိုးကျနေပါတယ်။
လူမှုကွန်ရက် Facebook ပေါ်မှာအမုန်းစကားနဲ့ သတင်းအမှားအချက်အလက်တွေ ပျံ့နှံ့နေတာကို Facebook ကုမ္ပဏီက ထိထိရောက်မတားဆီးဘူးလို့ဆိုပြီး ကုမ္ပဏီတွေအများအပြားက Facebook ကိုသပိတ်မှောက်နေကြတာပါ။
Facebook ကုမ္ပဏီကတော့ ဒီလိုသပိတ်မှောက်နေတာတွေကို ထိန်းချုပ်နိုင်ဖို့ အမုန်းစကားနဲ့ နိုင်ငံရေးသမားတွေရဲ့ အငြင်းပွားဖွယ် ပို့စ်တွေကို တားဆီးသွားမယ်လို့ ကတိပေးထားပါတယ်။
မြန်မာနိုင်ငံနဲ့ ဆိုင်ရာ အမုန်းစကားတွေ ထိန်းချုပ်ရာမှာတော့ တကယ်ထိရောက်တဲ့ ဆောင်ရွက်မှု မရှိပဲ အလွဲတွေ ဖြစ်ပေါ်နေတာကိုပဲ တွေ့ကြရပါတယ်။ ဦး-ဝီxx ၏ အမည်ကို ရေးရုံဖြင့် အကောင့်ပိတ်ခံရတာ၊ ကုလxx ဆိုတဲ့စကားလုံးရေးရုံဖြင့် အကောင့်ကျသွားတာမျိုးတွေပဲ လုပ်ဆောင်ပြနိုင်တာ တွေ့ရပါတယ်။
အထူးသဖြင့် မတရားသော အဖွဲ့အစည်းများက အုံနဲ့ကျင်းနဲ့ ကွန်မန့်ခြင်း၊ တိုက်ခိုက်ခြင်း နဲ့ ရီပို့ထုခြင်းများကြောင့် အကျိုးပြု Pageများ၊ အကောင့်များ ပျက်သွားကြရသည်ကိုလည်း တွေ့နေရပါသည်။
ဆက်စပ်သတင်းများ -
-